Австралид хүчтэй аадар бороо орсны улмаас сүүлийн 60 жилд болоогүй үерийн гамшиг нүүрлээд байна.
Байгалийн гамшгаас болж тус улсын нүүрсний экспорт 2021 онд 13 сая тонноор буюу 3.5 хувиар буурах төлөвтэй гэж “Bloomberg Intelligence” тооцоолжээ. Үерийн улмаас Австралийн нүүрсний экспортын гол зангилаа болох “Newcastle” боомтын хөдөлгөөн саатсан байна. Тус боомтоор жилд нийт 211 сая тонн нүүрс экспортолдог. Түүнчлэн нүүрс тээврийн 40 гаруй хөлөг онгоц тус улсын боомтуудад гацаад байгаа юм. Нөгөө талаас нийлүүлэлт саатсанаар Австралийн нүүрсний үнэ өснө гэж тооцоолсон байна.
Үерийн улмаас нүүрсний фьючерс үнэ 3.6 хувиар өсөөд байна. Энэ нөхцөл байдал Индонез улсад хамгийн ашигтай тусна гэж “Bloomberg Intelligence” үзэж байгаа аж. Учир нь Австралийн нийлүүлэлт тасалдсанаар нүүрсний хэрэглээгээр тэргүүлэгчдийн нэг БНЭУ Индонезоос авч буй нүүрсний хэмжээг нэмэгдүүлэх магадлалтай гэж тайлбарлажээ.
Г.Баяр\bossnews\
Tags:Онцлох
