Нийслэлийн ИТХ-ын Зөвлөл хуралдаж, төлөөлөгчид дүүргүүдэд ажиллах хуваарийг батлав
![](https://bossnews.mn/wp-content/uploads/2022/09/large-62fdfa890993a017b8d5f7c1-750x460.jpg)
Нийслэлийн ИТХ-ын Зөвлөлийн анхдугаар хуралдаан боллоо. Хуралдаанаар “Зөвлөлийн хуралдааны дэг”-ийг батлав. Мөн хурлын төлөөлөгчид Нийслэлийн дүүргүүдэд ажиллах хуваарийг баталсан юм.
![298952725_1802314650115010_4677245903308450330_n.jpg](https://bossnews.mn/wp-content/uploads/2022/09/image-30-1024x683.jpeg)
Хуралдаанаар мөн Нийслэлийн ИТХ-ын ээлжит VIII хуралдааныг энэ сарын 30-ны өдөр хуралдуулахаар товлосныг зөвлөлөөр дэмжлээ. Зөвлөлийг Нийслэлийн ИТХ-ын дарга Ж.Батбаясгалан ахлах бөгөөд хурал дахь намуудын төлөөлөл бүрдүүлэн ажилладаг. Монгол Улсын Засаг захиргаа нутаг дэвсгэрийн нэгж түүний удирдлагын тухай хууль, УИХ-ын 2022 оны “Иргэдийн Төлөөлөгчдийн Хурлын Зөвлөлийн ажиллах журам батлах тухай” 07 дугаар тогтоолыг тус тус үндэслэн Нийслэлий ИТХ-аас тус Зөвлөлийг байгуулсан. Зөвлөл нь НИТХ-ын шийдвэрийн биелэлтийг хангуулах арга хэмжээг зохион байгуулах, хуралдааны бэлтгэл ажил болон Хурлын хороо, ажлын хэсгийн үйл ажиллагааг уялдуулан зохицуулах үүрэг бүхий бүтэц юм.
![299549300_2866501833658430_5957295062126239878_n.jpg](https://bossnews.mn/wp-content/uploads/2022/09/image-33-1024x683.jpeg)
![297878904_450908380254521_5711843343280927799_n.jpg](https://bossnews.mn/wp-content/uploads/2022/09/image-34-1024x683.jpeg)
Эх сурвалж: Нийслэлийн ИТХ-ын ХМТ